Трио „Grazioso” со извонредни настапи во Мароко

Познатото трио „Grazioso“, во состав м-р Кристина Палија (сопран), д-р Невенка Трајкова (пијано) и Менка Богоевска (виолина), по настапите низ Словенија, Австрија, Шпанија и Бугарија, неодамна ја претставија Р.Македонија и на турнеја на сцените низ Мароко. Тие се први претставници од областа на културата кои настапиле на сцените низ Мароко, ни соопштија од Амбасадата на Мароко во Софија.

Во соработка со асоцијациите од Шпанија кои се занимаваат со социјална дејност „Родина“ и „Балкан“, беа успешно реализирани неверојатни концерти во неколку градови низ Мароко.

За нивниот настап пишува и мароканскиот веб-портал alkhabaralaan.com кој вели дека нивниот настап е доказ за промоција на културната коегзистенција во светот и дека настапот ги воодушевил присутните каде што тие настапувале со свои колеги од други држави.

Турнејата ги вклучи градовите: Маракеш, Келаа, Рабат, Казабланка, Лараче и Тетуан. Имаа чест да го отворат и познатиот „Триатлон“, кој се организира секоја година во Лараче и на кој има учесници-спортисти од целиот свет.

Со овие настапи триото не само што остави свој музички печат и во африканската културна ризница, туку е  и достоен амбасадор на својата држава.
Настапот на трио „Grazioso“ во Мароко има голем придонес за афирмирањето на нашата култура и фаворизирањето на нашата држава, бидејќи никогаш до сега името Македонија не било толку често извикувано од сите страни низ улиците, салите и на манифестациите во Мароко.

 

05/06/2017
Се информираат студентите на прв циклус на студии дека рокот за заверка на парен семестар и пријавување на испити само во Јунска Втора испитна сесија 2017...