Приказ на предметите според таг: УГД Живот

Новинарска делегација од Регионалниот центар на новинари „Исток“ во Ректоратот на Универзитетот „Гоце Делчев“ во Штип му го врачи признанието за најдоброто во науката на академик проф. д-р Блажо Боев, ректор на УГД. Регионалниот центар беше претставен од претседателот Тони Михаилов и членовите Игор Стојанов, Александар Максимов и Иван Бојаџиски.

Компанијата „HFour“ која одржа своја работилница на Факултетот за информатика при УГД ги едуцираше студентите за областа на онлајн безбедноста и постави предизвик преку кој сака да ги пронајде најквалитетните студенти.

Факултетот за туризам и бизнис логистика по единаесетти пат успешно ја организираше традиционалната Туристичко-гастрономска изложба на алтернативни форми за развој на туризмот. Годинава изложбата се одржа во просториите на Наставниот центар на УГД во Гевгелија, а истовремено беше организиран и отворен ден за средношколците и за граѓаните на Гевгелија и регионот.

Професор д-р Васо Талески од Факултетот за медицински науки при Универзитет „Гоце Делчев“ – Штип е еден од четирите добитници на највисокото професионално признание што го доделува Македонското лекарско друштво, Повелбата „Д-р Трифун Пановски“.

Правниот факултет при УГД преку својата неодамна формирана мрежа со средните училишта во Македонија организираше симпозиум на тема „Мрежата за демократија и владеење на право преку образование“.