Студентите од трета, четврта или последна година на некој од ...
Филолошкиот факултет денес организираше работилница на која се
Yearly Edu Summit 2021 е четиридневен самит кој е организиран од
Факултетското студентско собрание на Факултетот за туризам и ...
Повеќе од 50 студенти од различни факултети при УГД и 10 ...
Факултетот за туризам и бизнис логистика при УГД и Шпаркасе ...

Образование

Универзитет „Гоце Делчев” во Штип заедно со студентите и професорите од Факултетот за образовни науки и Филолошкиот факултет го организираа настанот „Образованието од Климента до денес".

- Ние имаме привилегија да бидеме едни од поддржувачите на делото и ликот на свети Климент, основоположникот на македонската и сесловенската писменост. Иако постои една огромна дистанца, свети Климент живеел и творел некаде во 11 век. Помеѓу неговото и нашето време се случувале многу работи на овие простори, меѓутоа тој уште е инспирација за нас педагозите, учителите, историчарите, теолозите... Поради тоа одлучивме наши професори од различни области кои ги имаме на ФОН, кои го проучуваат неговото дело и се поддржувачи на тие општи човекови вредности што владеат до ден-денеска, секој од свој агол да покажат како го доживуваат свети Климент. Секако, ние имаме и должност да го продолжиме неговото дело и понатаму со нашата жива материја, а тоа се студентите – изјави проф. д-р Емилија Петрова-Ѓорѓева, деканка на Факултетот за образовни науки.

Настанот започна со рецитал во чест на св. Климент - „Сонцето што нѐ чува“ на студенти од Факултет за образовни науки и Филолошки факултет при УГД, а професорите од УГД се обратија со следниве теми:

- проф. д-р Стојко Стојков – „Свети Климент – учител на многу народи“;

- проф. д-р Виолета Николовска – „Свети Климент Охридски – учител и ученик“;

- проф. д-р Снежана Мирасчиева – „Таму каде што се среќаваат традицијата и сегашноста“;

- проф. д-р Трајче Стојанов – „Етичките димензии на ликот и делото на свети Климент“;

- проф. д-р Даниела Коцева – „Црковната просветителска и преродбеничка дејност“.


 

„Законите на мајката природа се вткаени во нашиот секојдневен живот. Првиот се вика апоптоза, вториот хомеостаза, третиот матурација и четвртиот закон на посилниот“ - рече на предавањето организирано на УГД проф. д-р Методи Чепреганов. Предавањето беше на тема „За смислата на човековото постоење“, а за книгите на професорот Чепреганов говореше и проф. д-р Илија Џонов, кој е рецензент на најголем дел од неговите книги. Чепреганов дел од своите книги ги подари на библиотеката на Факултетот за медицински науки.

Студентите од Катедрата за англиски јазик и книжевност, на 25 и на 27 октомври 2021 година, имаа можност да ги следат предавањата на тема „L2 Pronounciation: Attitudes, Needs and Reality“ и „L2 Pronounciation: Authentic Practice and Activities“ од доц. д-р Даница Јеротијевиќ-Тишма, универзитетски професор на Катедрата за англиски јазик и книжевност на Факултетот за филологија и уметност во Крагуевац (Р Србија).

Повеќе од 30 студенти активно учествуваа во предавањата и работилницата под менторство на доц. д-р Натка Јанкова-Алаѓозовска.

Професорката Јеротијевиќ-Тишма беше гостин на Филолошкиот факултет во рамките на програмата Еразмус плус размена на наставнички кадар и оствари работна средба со деканката на Филолошкиот факултет проф. д-р Драгана Кузмановска, продеканката доц. д-р Весна Коцева и доц. д-р Натка Јанкова-Алаѓозовска. На средбата беа разменети искуства и идеи за заемна соработка и посета во рамки на програмата „Еразмус плус“.

Во текот на изминатиот викенд, УГД беше домаќин на Регионална конференција на темата „Модернизација на високото образование во контекст на дигитализација“. Конференцијата беше во соработка со Western Balkans Alumni Association и во текот на нејзината реализација учесниците имаа можност да проследат предавања од двајца наши професори, проф. д-р Зоран Здравев и проректорот проф. д-р Мишко Џидров. Посебно задоволство беше и вклучувањето на Елисавета Нојковска, директорка за високо образование на Microsoft, која се придружи на едно од предавањата преку платформата Microsoft Teams.

Учесниците имаа можност да го посетат Центарот за електронско учење и да се запознаат со дигиталните алатки кои успешно се користат при УГД.

На конференцијата учествуваа над 40 учесници (студенти и професори) од Универзитетот „Гоце Делчев” во Штип, Универзитетот „Св. Кирил и Методиј“ во Скопје, Универзитет „Св. Климент Охридски“ во Битола, Меѓународен славјански универзитет - Свети Николе, Универзитет Американ колеџ Скопје – УАКС, Универзитетот во Сараево – БиХ, Универзитетот во Крагуевац – Србија и Универзитетот во Валона „Исмаил Ќемали“ – Албанија.

Дополнително, на агендата беа предавања од Марија Василевска, експерт за обезбедување квалитет на високо образование, која низ дискусија со учесниците го дефинира терминот дигитализација и предавање од Еразмус + координаторот м-р Сања Максимова и претставник од НА, м-р Александар Богојевски.

Со цел успешно да се спроведе процесот на дигитализација, истиот треба да биде дефиниран како стратешка ориентација на институцијата, бидејќи само со таквата ориентација може да се придвижат конкретни активности кон квалитетно остварување на дигиталните цели. Еразмус + програмата дополнително ќе финансира и поддржува вакви проекти кои ќе им помогнат на високообразовните институции да ги имплементираат новите дигитални трендови и алатки.


Во годината кога светот одбележува 700 години од смртта на Данте Алигиери, Филолошкиот факултет при Универзитетот „Гоце Делчев“ во Штип даде свој придонес за достојно одбележување на големиот јубилеј. 

Ковид кризата придонесе дел од технолошките иновации кои неминовно се наметнуваат во образовниот процес да се имплементираат побргу. Тоа е случајот и со хибридното образование.

- Денес за првпат на Економскиот факултет организираме хибридно предавање со мала група на студенти, каде што имавме пет студенти присутни во предавална и останатите 12 студенти онлајн, преку платформата Microsoft teams. Идејата е да се подготвиме за иднината на образованието, токму тоа, хибридно предавање, каде што студентите и предавачите ќе имаат можност да изберат дали ќе бидат присутни во предавална или ќе го слушаат предавањето од својот дом, од патување, од каде било. Работењето и образованието од дома е нешто што со години се подготвува, но поради ковид кризата забрзано се применува. Ние сѐ уште сме во ковид криза, но веруваме дека штом ќе заврши ќе се отворат можности за хибридна настава на ниво на цела држава и истото законски да се овозможи. Сепак, додека е ваква ситуацијата ќе гледаме што повеќе да применуваме хибриден метод на настава, со тоа што студентите ќе имаат можност да изберат дали ќе дојдат на предавањата или ќе ги следат онлајн. Денес првпат студенти кои се запишани во 2020 г. имаа можност да дојдат во предавална и да се видат со професорот, бидејќи две години поради пандемијата предавалните беа празни, што според мене е голем хендикеп за овие генерации и тука сме заедно тој хендикеп да го надминеме. Ова хибридно предавање не е поврзано само со ковид кризата, бидејќи има универзитети кои уште одамна овозможуваа целосно онлајн настава и високо образование и диплома, каде што целиот процес се одвива токму онлајн. Со ковид кризата сите универзитети ширум светот беа принудени да имаат онлајн настава. Ние како УГД сме пионери во многу области во нашата држава и бевме подготвени да преминеме веднаш онлајн, со тоа што сега предизвикот е малку поинаков, бидејќи во тој процес ги видовме и слабостите што се јавуваат во наставата, а овде мислам најмногу на испитувањето, кој процес може да биде многу пореален и ефективен кога е во живо, со физичко присуство – изјави проф. Златко Бежовски од Економскиот факултет при УГД.

Според професорот Бежовски, хибридното образование е иднината, затоа што чистото онлајн образование има некои недостатоци, пред сѐ, можноста да се запознаат студентите меѓу себе кога ќе дојдат на предавање е многу значаен дел од студирањето, но и можноста да се спроведат реални тестирања во реални услови, во предавална, се многу битен елемент од процесот на образование за да студентите излезат со навистина квалитетни знаења и подготовка.

 

Страница 1 од 31
Top
We use cookies to improve our website. By continuing to use this website, you are giving consent to cookies being used. More details…