Приказ на предметите според таг: УГД Живот

Бесплатните оптометриски тестови ќе се реализираат секоја среда од 9 до 12 чaсот, во лабораторијата за оптика и офталмологија на Факултетот за медицински науки (се наоѓа во новиот дел на приземјето во текстилното училиште).

Фото клубот „Широк агол“ – Штип организираше предавање насловено „Основи на креативната фотографија“, на кое предавач беше истакнатиот македонски фотограф Владимир Јовановски. Тој учествувал на бројни меѓународни изложби и натпревари, излагал во 35 држави и освоил над 100 награди и признанија.

Голем број поранешни и актуелни учители денес свечено ја го промовираа зборникот „70 години учителска школа Гоце Делчев“ во Штип. Монографијата опфаќа истражувања и проекти кои ги прават сите кои на еден или друг начин учествувале во првата учителска школа во градот. Изданието е помогнато од страна на Универзитетот „Гоце Делчев“.

Женските екипи во одбојка и машката во кошарка викендот ќе одиграат натпревари од редовните кола во своите лиги, во спортската сала „Јордан Мијалков“ во Штип. Женската одбојкарска екипа на „УГД студент“ игра против екипата на ОК „Македонија макс“ од Струмица. Натпреварот се игра во сабота во 18:00 часот.

Покрај доделувањето на признанието „8 ноември“, денес во рамките на одбележувањето на празникот на градот беа промовирани и докторите на науки, од кои најголем дел се дел од наставниот кадар на Универзитетот „Гоце Делчев“.