Приказ на предметите според таг: УГД Живот

Ректорот на Универзитетот „Гоце Делчев“ – Штип, проф. д-р Блажо Боев, и градоначалникот на Општина Штип, Благој Бочварски, остварија неформална средба во Ректоратот на УГД.

По повод Денот на ослободувањето на Штип – 8 ноември, традиционално и годинава се одржаа Митровденските средби на доктори на науки. Беа промовирани десет нови доктори на науки кои со титулата се стекнале во изминатата година. Како и секогаш, значаен придонес во овој дел даваат и кадрите на Универзитетот „Гоце Делчев“ – Штип, кои годинава дадоа свој придонес во областите на медицинските, техничките, биотехничките и компјутерските науки.

Центарот за електронско учење (ЦЕУ) при Универзитет „Гоце Делчев“ – Штип ќе им понуди на професорите и на асистентите на УГД можност да се усовршуваат во дизајнирање на  видеолекции, со што ќе можат да одат чекор напред во примената на нови форми на пренесување на знаењето до студентите.

Правните факултети на универзитетите „Гоце Делчев“ – Штип, „Св. Кирил и Методиј“ – Скопје и Државен универзитет – Тетово ја организираа втората по ред Студентска конференција „Студентската мисла во правото, политиката и општеството“.

Универзитетот „Гоце Делчев“ продолжува со поддршката на научноистражувачката дејност преку својот Фонд за научноистражувачка дејност. Од овој Фонд, од овој месец, се предвидени средства за финансирање на 64 нови проекти, најави на прес-конференција ректорот на УГД проф. д-р Блажо Боев.