Искористувањето на сонцето како обновлив извор на енергија, примената на инженерството во сите сфери во животот, совладувањето на новите предизвици во археологијата, техничките, биотехничките науки, се дел од интересите на десетте нови доктори на науки од Штип кои беа промовирани во НУ Универзитетска библиотека „Гоце Делчев“.

Марија Чекеровска докторираше во областа на техничките науки, поточно машинството. Нејзиниот докторат проучува како да се искористи сонцето како обновлив извор на енергија. Таа експериментирала со нумеричко истражување на рамни сончеви колектори. Гордана Јанева е новиот доктор по археологија, Стојан Коцев по менаџмент, Билјана Ковачевиќ по биотехнички науки, Димитар Николов по филозофија на инженерство, Радмила Каранакова-Стефановска по технички науки, Наташа Лонгурова-Денкова и Стефан Петровски по медицински науки, Љубица Аџи-Андов-Петровска по биотехнички науки, а Светлана Кордумова-Трајанова по компјутерски науки.