Приказ на предметите според таг: УГД Живот

Универзитетот „Гоце Делчев“ продолжува со Отворените денови, на кои се претставуваат можностите што ги има УГД за студирање и здобивање со високо образование.

Во рамките на активностите поврзани со превенција од дискриминација и постапување во случаи на криминал од омраза и говор на омраза, кои Правниот факултет ги остварува во соработка со Мисијата на ОБСЕ во Скопје, се одржа Обука од алумни за антидискриминација, говор од омраза и криминал од омраза. 

Универзитетот „Гоце Делчев“ – Штип го организираше првиот од повеќето Отворени денови, на кои сите заинтересирани, пред сѐ средношколците од завршните години, ќе се информираат за можностите за студирање на факултетите и академиите при УГД. Во Штип, на штандови лоцирани пред Правниот факултет, се претставија сите факултети и академии на специфичен и креативен начин, а во салата на Центарот за култура „Ацо Шопов“ се одржа презентација на можностите на електронскиот индекс.

Со предавање на тема „Меѓу чаршијата и црквата“, Филолошкиот факултет при УГД ја одбележа 200-годишнината од првото печатено издание на првата антологија на европскиот и светски расказ на македонски народен јазик „Чудесата на пресветата Богородица“ од Јоаким Крчовски. Предавањето го одржа проф. д-р Димитар Пандев, редовен професор на УКИМ.

Универзитетот „Гоце Делчев“  на средношколците од завршните години ќе им ги претстави можностите што ги нуди за студирање на Отворени денови кои ќе се одржат како во Штип, така и во наставните центри во Струмица, Кавадарци и во Прилеп. Отворените денови имаат за цел да го доближат УГД до потенцијалните студенти – средношколците, како и до сите заинтересирани.