Приказ на предметите според таг: УГД Живот

Деканот на Филолошки факултет доц. д-р Драгана Кузмановска во работна посета на Филозофскиот факултет на Универзитетот во Ниш се сретна со голем број претставници од овој факултет и договори идна соработка во полето на наставата и науката. На средбите се разговараше за гостување и размена на професори, како и за заеднички проекти на двата факултета. Исто така, доц. д-р Драгана Кузмановска имаше средба и со директорката на Центарот за странски јазици со која беше договорена размена на професори на сите нивоа на катедрите на сите странски јазици во Ниш и во Штип.

Универзитетот „Гоце Делчев“ ја проширува и зацврстува соработката со образовните институции во државата, со цел да придонесе за подобрување на наставниот и образовниот процес. За таа цел,  УГД помогна во опремувањето на една современа училница во СОУ „Добри Даскалов“ во Кавадарци.

Факултетот за медицински науки при УГД преку насоката Дентална медицина е во подготовка на еден од најсовремените центри за дентална медицина во овој регион. Центарот е целосно опремен, а професорите се надеваат дека во најскора иднина тој ќе биде пуштен во употреба и ќе можат да го користат сите пациенти.  

Универзитетските професори од Факултетот за информатика и Факултетот за природни и технички науки при Универзитет „Гоце Делчев“ - Штип денеска беа дел од европскиот твининг проект „Развивање на соработка помеѓу високообразовните институции, приватниот сектор и релевантните органи“, кој се спроведува во рамки на Министерството за образование и наука.

Проф. д-р Мичо Апостолов е поканет како визитинг професор (академска година 2016/2017) на Scuola di Management ed Economia при Università degli Studi di Torino. Овој универзитет е една од најпочитуваните високообразовни институции во Италија и во Европа (според U.S. News & World Report Best Global University Ranking за 2017 година, Универзитетот во Торино е рангиран на 97-то место во Европа).