Приказ на предметите според таг: УГД Живот

На крајот од 2020 година, која поради Ковид кризата предизвика многу проблеми и компликации во сите области, па и во високото образование, разговаравме со ректорот на Универзитетот „Гоце Делчев“ – Штип, академик проф. д-р Блажо Боев, за актуелната ситуација и стратегијата на УГД, кој според сите проценки најдобро се снајде во приспособувањето кон онлајн наставата.

„Хуманоста на испит во време на пандемија“ е хуманитарна акција која ја организира Институтот за трансфузиона медицина и Црвениот крст заедно со универзитетите во Македонија. Во оваа акција се вклучува и Универзитетот „Гоце Делчев“ со крводарителска акција и предавање за крводарителството.

Одбојкарските екипи на УГД во машка и женска конкуренција овој викенд ги играат последните натпревари за оваа полусезона. Со оглед на ситуацијата со Корона вирусот УГД ТВ ќе врши пренос во живо на интернет од двата натпревари.

Проректорот за настава и студенти при Универзитетот „Гоце Делчев”, проф. д-р Мишко Џидров ја отвори третата по ред Меѓународна научна конференција „Предизвиците на туризмот и бизнис логистиката во 21 век” во организација на Факултетот за туризам и бизнис логистика.

Во рамките на Жан Моне проектот за вмрежување „Системи на политики за миграција и азил“ (МАПС), предводен од Универзитетот „Ориентале“ во Неапол, во кој Универзитетот „Гоце Делчев“ учествува како партнер-инситуција, на 16.11.2020 г. се одржа Mеѓународна конференција на Европскиот универзитет „Виадрина“ во Франкфурт со наслов „5 Years Refugee Crisis“ (5 години од Бегалската криза), во организација на проф. Јенц Лович (Jens Lowitzsch).