Приказ на предметите според таг: УГД Живот

Голем број заинтересирани млади од сите краеви на државата викендов пристигнаа во Штип на велосипедската трка по повод патрониот празник на Универзитетот „Гоце Делчев“.

Велосипедската трка „Со велосипед на факултет“ започнува денес во 11.00 часот на плоштадот „Слобода“ во Штип. Голем број на велосипедисти од цела Македонија денес пристигнаа во Штип со цел да учествуваат на оваа трка. Голем број на дечиња и студенти ќе бидат дел од рекреативната и јуниор трката која исто така е дел од овој настан.

Со свечена седница на Универзитетскиот сенат и со промоција на почесен доктор на науки УГД го продолжи одбележувањето на девет години од своето постоење. На свечената седница во својот говори одржаа ректорот на УГД проф. д-р Блажо Боев и заменик-министерот за образование и наука Спиро Ристовски. Во својот говор ректорот Боев истакна дека овој Универзитет во централното место ги става своите студенти и им порача на нив да ја употребат својата имагинација само така ќе стигнат насекаде во универзумот.

Универзитетот „Гоце Делчев“ со промоција на доктори на науки и промоција на Kаталог на изданија го започна одбележувањето на девет години од основањето. Стојанче Мијалковски, Афродита Зенделска, Тодор Чекеровски и Доне Стојанов се докторите на науки кои беа промовирани денес. Некои од нив ги образложија своите докторски дисертации и објаснија каде тие се гледаат во иднина.

Универзитетот „Гоце Делчев“ – Штип и Министерството за животна средина и просторно планирање потпишаа Договор за соработка и финансирање на проектите „Персонална експозиција на респирабилни цврсти честички на урбаната популација во Скопје и Тетово“ и „Мониторинг и мапирање на нивото на бучава во урбани средини“.