Центарот за меѓууниверзитетска соработка при УГД во изминатиот период присуствуваше на Интернационалната недела на Универзитетот „Карл-Франценс“ во Грац, Австрија. На Интернационалната недела присуствуваа претставници од 26 универзитети во Европа, каде што ги разменија своите искуства и добри практики. Главен фокус на дискусија беше Еразмус + програмата, како и подобрувањето на квалитетот во спроведувањето на Еразмус + мобилностите.
УГД воедно имаше можност пред присутните да биде презентиран како добра практика во спроведувањето на Еразмус + проектите и имаше можност да ја презентира работата на Центарот за меѓууниверзитетска соработка.
На Интернационалната недела присуствуваше Еразмус + координаторот Сања Стефанова, која преку својата презентација ја истакна важноста на Еразмус + програмата и начинот на кој УГД ја спроведува.
