Со оглед на тоа дека новиот Конкурс за Еразмус ќе излезе наредната недела, Факултетот за медицински науки се погрижи на своите студенти да им ги презентира сите неопходни и корисни информации во врска со оваа програма за размена на студенти на една директна средба што ќе се одржи во вторник - 19 септември, со почеток во 14.15 часот на Кампус 2 (голем амфитеатар на паркинг на Кампус 2).

Деканот на Факултетот за медицински науки, проф. д-р Рубин Гулабоски, ќе одржи презентација/предавање за програмата Еразмус плус за медицински науки за студиската 2017/2018 година. Сите студенти на ФМН ќе имаат можност да се запознаат со можностите на оваа програма, што е од огромно значење за развојот на образованието и кариерата на секој студент.