Наградата се доделува во четири категории:
- Награда за волонтер на годината (физичко лице);
- Награда за организатор на волонтерска работа (правно лице);
- Награда за волонтерска практика (правно лице);
- Награда за медиуми (правно лице).
Целта на наградата е да го промовира волонтерството кај пошироката јавност, да се зголеми видливоста на волонтерите и позитивните волонтерски практики и да инспирира кон понатамошно унапредување и развој на волонтерството.
Воспоставувањето на годишната национална награда за волонтерство е дел од мерките предвидени во Стратегијата за промовирање и развој на волонтерството (2010-2015), донесена од Министерството за труд и социјална политика на Република Македонија.
Пријавите се доставуваат преку електронска пошта со забелешка: Пријава за Национална награда за волонтерство 2015 година на адреса: Оваа е-адреса е заштитена од спамботови. Треба да ви е овозможено JavaScript за да ја видите. или по пошта (во затворен плик) со забелешка: Пријава за Национална награда за волонтерство 2015 година на адреса: Министерство за труд и социјална политика на РМ, ул „Даме Груев“ бр. 14, 1000 Скопје.
Можете да се пријавите најдоцна до 19 ноември 2015 година, до 16 часот.
