„Можноста ја имаат сите, уште повеќе од што ја имавме ние. Се работи за упорност, добра волја, талент, среќа се разбира. Не се работи дека ние живеевме во којзнае какво време, многу поскромни беа времињата тогаш. Сега сè имате на интернет“. изјави Влатко Стефановски, еден од најпознатите гитаристи на Балканот и некогашен член на култната музичка група Леб и Сол
Проблемот не е во можноста туку во упорноста. Кога се работи за музиката нема граници, никој никого не спречува. Денес сепак сме свесни дека има наплив на турбофолк од сите страни, иако може само да кажеме дека секој го свири и слуша она што сака.
Стефановски за тоа вели:
-Сè и сешто се случи на овие простори така што тоа е резултат на спуштањето на вкусот, на потребите културни. Не можам буквално да се борам со таа појава, можам само со својот пример да понудам нешто друго. вели Влатко
За неговата музика и за она што го има работено во текот на 40-годишната кариера знае поголемиот дел од Балканот и воопшто многу луѓе низ цел свет. За тоа дали денес е познат кај младите како порано Леб и Сол кај постарите генерации, Стефановски смета дека има публика и кај помладите генерации.
-Сигурен сум дека многу млади луѓе веќе прочепкале што сум правел во минатото. Од искуство ви зборувам. Се надевам дека освојувам нова публика, а старата не ја губам. Барем се надевам, искрено. вели Влатко
Целосното интервју и одговорите на повеќето прашања за животот на Влатко, за неговиот најнов албум и неговите планови можете да погледнете во видео разговорот.
Извор: www.youthnewsroom.net.
