Приказ на предметите според таг: УГД Живот
Трио „Академико“ со успешни настапи во Белград и во Осиек
Трио „Академико“, во кое настапуваат професорите од Музичката академија проф. м-р Златка Митева – флејта и проф. д-р Бранко Павловски – кларинет и професорката од Филмската академија доц. м-р Наташа Трбојевиќ – пијано на 26 мај се претставија пред многубројната публика во концертната сала „Даворин Јенко“ во Белград.
Студентите на ФТБЛ за состојбите и перспективите во туризмот
На 28 мај Факултетот за туризам и бизнис логистика при Универзитет „Гоце Делчев“ – Штип организираше Научно-стручна конференција на тема „Состојби и перспективи во туризмот, економијата и бизнис логистиката во Република Македонија“, која се одржа во просториите на Кампус 4.
Успешно реализирана Уметничка пролет на УГД
Уметничката пролет на УГД заврши со спектакуларниот концерт на Васил Хаџиманов бенд. Во преполната сала на Мултимедијалниот центар викендов се слушаа звуците на модификуваниот џез ритам на извонредниот пијанист Васил Хаџиманов, следен од неговите колеги од овој бенд – Мирослав, Бојан, Бранко и Предраг. Примарно беше промовиран последниот албум на Васил Хаџиманов бенд, шести по ред, под наслов „Alive“, но и постари композиции. Публиката беше и повеќе од задоволна. По завршувањето на концертот публиката имаше можност неформално да се дружи со целиот бенд и да добие автограм на најновиот албум на Хаџиманов бенд.
Одбојкарките на „УГД“ шампиони во младинска конкуренција
Одлична сезона за одбојкарките на ОК „УГД“ – во сите конкуренции се најдоа на врвот! Потврдата за одличната сезона стигна во неделата (29 мај), кога на Фајнал фор турнирот во младинска конкуренција младинките на ОК „УГД“ триумфираа и го освоија првото место во државата. Финалниот турнир се одржа во Универзитетската спортска сала „Јордан Мијалков“, во одлична организација на УГД.
Конференција на Економскиот факултет и Универзитетот во Омск
Економскиот факултет при УГД – Штип, во соработка со Високата бизнис школа на Универзитетот во ОМСК, Руска Федерација, организираат Меѓународна конференција на тема „Менаџирање на развојот на економските и регионалните системи – евроазиска перспектива“. Оваа конференција се организира по шести пат, а темите на трудовите кои се презентираат на неа се поврзани со геоекономиката и геополитиката на просторот на Евроазија, технологијата на бизнис едукацијата во Евроазија и проекти и програми за развој на регионалните економски системи во евроазискиот простор.