Приказ на предметите според таг: УГД Живот
Годишен концерт на Музичка академија
Во четврток, 26 мај, Музичката академија при Универзитет „Гоце Делчев“ ќе го одржи Годишниот концерт. Годинава на завршниот концерт ќе се претстави Одделот за етнохармоника, предводен од проф. д-р Илчо Јованов, а на концертот ќе настапат студентите Марјан Бошковски, Мартин Бошковски, Благој Глушков, Виктор Ристовски, Трајче Јанев, Мартин Василев, придружувани од Никола Дафов на контрабас, Ристе Бунаров на гитара, Тони Наумов на пијано, Иван Манев и Гоце Чолески на ударни инструменти. На програмата ќе бидат дела од Илчо Јованов, Кочо Петровски, Милан Завков, Иван Терзиев и Благоја Дескоски.
Реализирани проектни активности во рамките на програмата Еразмус Плус
Проектните активности во рамките на Еразмус плус проектот Developing OER and Blended Modules for Agriculture and Rural Development, Erasmus+ KA202 Project, број на проектот: 2015-1-MK01-KA202-002855, веб: http://www.oer-ard.mk, продолжуваат да се организираат и реализираат интензивно преку размена на знаење и практично искуство повторно во Пловдив, Бугарија.
Одбојкарките на УГД „бронзени“ во кадетска конкуренција
Одбојкарките на ОК „УГД“ го освоија третото место во кадетска конкуренција во Одбојкарското првенство на Македонија. На Фајнал фор турнирот, кој се одржа во Битола, одбојкарките на УГД во натпреварот за третото место беа поуспешни од фаворизираниот состав на „Јанта волеј“, совладувајќи го со 2:1 во сетови. Претходно, во полуфиналето студентките загубија од „Наковски волеј“, екипа која ја освои титулата, победувајќи ја во финалето екипата на домаќинот на Фајнал фор турнирот, „Пелистер“ од Битола.
Теренска настава на студентите од трета година на Земјоделски факултет
Студентите од трета година на Земјоделски факултет, под менторство на проф. д-р Саша Митрев и доц. д-р Емилија Костадиновска, на 13 мај беа на теренска настава на овоштарник (вишни) со цел одблизу да го видат начинот на заштита на растенијата од патогените промени и штетниците кои се јавуваат кај растенијата.
Посета на професори и студенти од Земјоделскиот факултет на Институтот по земјоделие во Карнобат, Бугарија
Дел од студентите во трета и четврта година на Земјоделски факултет во наставните центри Штип и Струмица, заедно со проф. д-р Верица Илиева, проф. д-р Драгица Спасова и проф. д-р Мите Илиевски, минатата недела го посетија Земјоделскиот институт во Карнобат, Р. Бугарија.