- Јас би сакал да го искажам задоволството и благодарноста на Општината и на градоначалникот Бочварски. Ние сме установа која придонесува за образование, култура но секако и естетика. И убавото ни е секогаш важно како такво да биде присутен во универзитетот. Се надевам со тоа што го правиме придонесуваме и за поубав град, изјави ректорот на УГД, проф. д-р Блажо Боев.

Градоначалникот на Штип Благој Бочварски ја истакна благодарноста на сите кои придонесуваат за градот да изгледа подобро за Нова Година.

- Најпрвин да се заблагодарам на нашите гости кои придонесоа да ни го разубавуваат градот. Ова традиционално доделување на признанијата го извршивме денес на ректоратот на УГД, на семејната куќа на Жанжанина Стојанова и на угостителскиот објект Лонгуров, изјави градоначалникот на Штип, Благој Бочварски.

Ректоратот на УГД по третпат го добива ова признание, а декорациите на објектот се збогатуваат секоја година и објектот од година во година изгледа се поубаво.