• Како нов шеф на Мисијата на ОБСЕ во Скопје ме радува што сум овде во Штип, на овој Универзитет. Како што разбрав, УГД е втор универзитет по големина во државата. Мисијата на ОБСЕ има многу проекти и програми и до сега имаме одлична соработка со Универзитетот - изјави амбасадорот на ОБСЕ во Македонија, Клеменс Која.

Ректорот на УГД посочи дека соработката со ОБСЕ е многу важна за Универзитетот и дека таа придонесува многу за развој на Универзитетот и за организирање на многу дополнителни и воннаставни активности.

• Мислам дека е важна нашата соработка со сите амбасадори и агенции од ЕУ во Македонија. Ова е добра можност да зборуваме за нашата соработка и ОБСЕ е многу важна институција која е присутна во нашата држава. Соработката што ја имаме со оваа институција е исклучително важна за нашиот Универзитет - изјави ректорот на УГД, проф. д-р Блажо Боев.

Средбата се одржа во Ректоратот на УГД, а се најави и можност за работа на заеднички проекти или пак амбасадорот на ОБСЕ и други нивни претставници да одржат предавања пред студентите на УГД.