Универзитетот Гоце Делчев од Штип повеќе години по ред е на втората позиција од сите македонски универзитети. Најновото рангирање на македонските универзитети изгледа вака:

Рангирањето, кое е објавено на нивната веб страница, се прави по неколку основи и тоа присутност на интернет (големина на web простор, зафатеност на веб од страна на институцијата и слично), влијание (надворешни мрежи и контакти, колку други институции ја поврзуваат институцијата во нивни линкови и контакти), отвореност ( број на цитати од топ автори ) и научност (број на научни трудови во топ 10% цитирани автори од 26 научни дисциплини).

Покрај ова рангирање од неодамна Вебометрикс направи рангирање и со Google Scholar, односно колку се цитирани универзитетите и авторите од универзитетите преку Google Scholar. На ова рангирање Универзитетот „Гоце Делчев“ од Штип исто така се најде на втората позиција од македонските универзитети, а на 2331 позиција во светски рамки.

Рангирањата се слични речиси на сите истражувања за квалитет на високото образование кои се прават од различни институции од светот. Неодамна слични резултати покажа и истражувањето на Универзитетот од Шангај.