Тој имал неколку противкандидати, но во вториот круг успеал да го надгласа Стефан Коцев од Факултетот за медицински науки. Во првото интервју за УГД ФМ новоизбраниот претседател на Универзитетското студентско собрание истакна дека студентите мораат да бидат гласни и активни.

- Јас ќе се залагам студентите да бидат гласни и активни преку медиумите, а се надевам дека ќе успееме да го активираме и студентскиот весник „Студентско Ехо“ кој од пред неколку години престана да се издава, истакна меѓу другото Мирко Наџаков.

Тој ги повика студентите да бидат активни и да се обратат до новите претседатели на факултетски и универзитетски собранија со цел да ги адресираат своите проблеми пред надлежните. Една од првите работи кои ќе ги направи е избор на студентски правобранител кој ќе ги застапува интересите на сите студенти. Целосното интервју погледнете го во видеото во продолжение.