Организатори на конференцијата и годинава се Филолошкиот факултет при Универзитетот „Гоце Делчев“ (Штип, Република Северна Македонија) и Филолошки факултет при Воронешкиот државен универзитет (Воронеж, Русија), со што ја продолжуваат одличната соработка од која само дел е оваа конференција.
Меѓународната научна конференција „ФИЛКО“, посветена на актуелните проблеми во филологијата, културата и образованието, има за цел да ги обедини на едно место професионалците од овие области (професори, докторанди, магистранди). За учество во конференцијата се покануваат научници, наставници во основно и средно образование, вработени во библиотеки, докторанди и магистранди.
