(Видео) Концерт во чест на Крсте П. Мисирков во организација на УГД

- Окт 27, 2016

Поврзани вести

Со голем концерт во Македонската опера и балет ќе бидат одбележани 90 години од смртта на Крсте П. Мисирков, а воедно концертот е посветен на егзодусот на децата бегалци од делот на Македонија под Грција. Концертот е поддржан од Македонска опера и балет - Скопје, Драмски театар - Скопје, Универзитет „Гоце Делчев“ - Штип, МНТ - Скопје, ЕВН Македонија и АЕК.

Концертот е во организација на правнуката на Крсте П. Мисирков, Елена Мисиркова, и Здружението „МАКЕДОН“.

Покрај настапот на Елена Мисиркова, која ќе настапи на пијано, во програмата се вклучени поетско читање, драмска изведба на претставата „Вечната куќа“, хорска изведба и уште многу други настани.

Мисиркова е професорка на Универзитетот „Гоце Делчев“ и веќе подолго време е дел од Музичката академија при УГД.

Концертот ќе се одржи на 30 октомври (недела) во 19 часот во Македонска опера и балет.

Програмата за настанот може да се види на следниов линк, а интервјуто со правнуката на Мисирков следува во видеото во продолжение.