ред помалку од 200 години, поточно на 2 јануари 1839 година е направена првата фотографија на Месечината која воедно била и првата астрофотографија направена воопшто. Фотограф бил францускиот пронаоѓач и зачетник на фотографијата Луј Дагер. Пред да се направи оваа фотографија сите астрономски набљудувања на Месечината биле пренесувани како цртежи на хартија, а потоа анализирани. \

За жал, првата фотографија на Месечината направена од Дагер не е сочувана, но неговата техника на снимање станала најчеста техника и ја презеле голем број научници.

Прва оригинална сочувана фотографија на Месечината фотографирана од д-р Џон Вилијам Драпер во 1840 година

Првата сочувана фотографија е направена во Северна Америка во 1840 година од страна на Џон Вилијам Драпер, доктор и хемичар. Подоцна се направени и низа други фотографии кои даваат појасен приказ на Месечината и нејзината структура. Најпопуларна фотографија од тој период која е сочувана во својата оригинална состојба е фотографијата на Џон Адамс Випл од 1851 година.

Фотографија на Џон Адамс Випл од 1851 година, снимена со истата технологија како и првата астрофотографија