По повод 10-годишнината од основањето на УГД, Универзитетот организираше Конкурс за фотографија, насловен „Мојот универзитет“, на кој учествуваа студенти од сите факултети при УГД. Пристигнаа 62 фотографии, од кои тричленото жири избра 20 фотографии за изложување, а меѓу нив избравме и три кои беа наградени со парична награда. Првата награда ја доби Сергеј Смилков од Ликовната академија, втората награда студентот Халид Хоџиќ од Филмската академија и третата студентот Горан Србиновски од Музичката академиоја. Овие фотографии беа направени во изминатиот месец, а услов беше фотографиите да бидат снимени во Република Македонија, не мораше да бидат снимени во некој факултет. Темата беше доста широка и опфаќаше она што студентите ги асоцира и иснпирира под насловот „Мојот универзитет“, па така имаме најразлични теми и фотографски жанрови претставени на оваа изложба изјави проф. Роберт Јанкуловски.
