Ментор на летната школа беше м-р Сања Ристевски од Технолошко-техничкиот факултет, заедно со студентите Стефан Максимов и Ана Ѓорѓева, кои знаењето им го пренесоа на помладите. Учесниците ги изучуваа основите на дизајнот, учеа да цртаат, конструираат и моделираат.

Според м-р Ристевски, школата е корисна од повеќе аспекти – пред сѐ младите имаат можност да си ги откријат своите афинитети, по што може да станат студенти на Технолошко-техничкиот факултет, кој пак преку соработката со текстилната индустрија во Штип ќе овозможи сите тие полесно да најдат свој ангажман во иднина во областа кон која имаат афинитет. На ваков начин се продлабочува соработката и со Библиотеката, но и со текстилниот сектор.