Настанот потекна од соработката помеѓу Правниот факултет и Ликовната академија при УГД - Штип, со студентски конференции и изложби на плакати на двете теми.
„Првично замислен како изложба на плакатите од двете конференции во Скопје, овој настан решивме да го збогатиме со други содржини кои се потесно или пошироко врзани со овие теми, а ќе се одвиваат во текот на десетте дена во кои ќе биде отворена изложбата. Случајно или не, серијата настани започнува на 1 април, денот на шегата, од каде што доаѓа и името на настанот“, велат од Ликовната академија при УГД.
Во текот на овие десет дена ќе се проговори за сите овие работи, а преку слики, зборови, филмови и музика ќе се зборува токму за работите кои се случувале, се случуваат и конечно треба да престанат да се случуваат. Единственото нешто што заслужува да биде дискриминирано е цензурата, а само дискриминацијата треба да биде цензурирана.
