Спротивно на она што го опишуваат психолозите, најдобрите одговори доаѓаат од уметниците, писателите, творците и креативните работници кои повикуваат и извлекуваат идеи важни за животот.

Во еден одличен разговор во Бруклинската музичка академија, новинарот Пол Холденграбер на легендарниот режисер Дејвид Линч му го постави прашањето: „Од каде доаѓаат идеите?“. Линч одговара со еднаква безбожност и продлабоченост и зборува за фрагментираната природа на креативноста и нејзиниот квалитет, спомнувајќи ја во овој контекст и „бисоцијалната теорија“ на Артур Кестлер, објавена во 1964 година.

„Кога идејата доаѓа – ја гледаш, ја слушаш и ја спознаваш. Не можеме ништо без идеи. Тие се прекрасни подароци. Секогаш велам, работењето на одредена идеја е како прикачување на мамец – секогаш можеш да ја извлечеш. Доколку се „закачиш“ на некоја идеја којашто навистина ја сакаш, тоа ќе биде многу убав ден. Ја запишуваш идејата за да не ја заборавиш. Таа идеја што си ја „фатил“ може да биде само еден фрагмент од целината – што и да е таа. Размислувањето за тој мал фрагмент, таа мала риба во морето, ќе донесе повеќе риби, повеќе идеи, тие ќе надојдат и ќе се фатат на мамецот. Идеите надоаѓаат, а ти наскоро ќе имаш сценарио или некаков стол, цртеж или идеја за цртеж. Идеите најчесто доаѓаат во мали фрагменти“ .Дејвид Линч, холивудски режисер

Извор: http://brainpickings.com