Таа пред студентите на Земјоделскиот факултет ги пренесе искуствата на Финска во однос на справувањето со климатските промени.  

- Ние во Финска веќе ги чувствуваме последиците од климатските промени можеби повеќе од Македонија, но тоа не значи дека тие не се чувствуваат и овде. Одлучив да зборувам за оваа проблематика затоа што сметам дека оваа тема е исклучително значајна за секој студент во целиот свет. Ние почнавме да применуваме земјоделие кое ја заштитува почвата и доведува до намалување на последиците од климатските промени. Воедно се создаваат подобри земјоделски производи. Се надевам дека ќе имам можност да го пренесам тоа искуство овде во Македонија - изјави професорката Михелсон.

Таа е присутна на Универзитетот „Гоце Делчев“ како дел од Еразмус плус програмата, а најголем дел од предавањата се насочени за студентите на Земјоделски факултет. За повеќе погледнете од краткото интервју кое го реализиравме со професорката од Финска.