Ова учество доаѓа како последица од зачленувањето на Универзитетот „Гоце Делчев“ во Европскиот совет за докторско образование (EUA-CDE) во јуни 2018 година во Љубљана.
Проф. д-р Милошева на Vrije Universiteit Amsterdam како претставник на Универзитетот „Гоце Делчев“ - Штип и претставник од Македонија, а во организација на Европската aсоцијација на универзитети и Советот за докторско образование (EUA-CDE) учествуваше на тематскиот воркшоп со фокус на меѓуинституционалната научна соработка.
- Како учесници рефлектиравме разни искуства како универзитетите со различни цели и ниво на развој можат да имаат бенефит од различни форми на соработка. Ова се однесува на научна соработка помеѓу универзитетите, како и соработка со други институции кои спроведуваат научни истражувања на локално, национално и интернационално ниво. Беа изнесени различни искуства и модели на научна соработка и беа понудени нови можности за соработка помеѓу членовите на EUA-CDE - изјави проф. д-р Ленче Милошева.
