Раководителот на проектот проф. д-р Ацо Кузелов вели дека истражувањето ќе помогне да се види влијанието на екстракти од зачини врз антиоксидативните промени на производи од месо и мелено месо.
Научниот проект „Влијанието на екстрактите врз трајноста на различни видови мелени меса и колбаси“ својата реализација ја започна во 2014 година, а со реализацијата ќе се заврши во текот на годината.
Истражувачкиот тим е составен од проф. д-р Ацо Кузелов, доц. д-р Дарко Андроников, проф. д-р Еленица Софијанова, проф. д-р Нако Ташков, асс. м-р Дијана Насева, асс. м-р Душица Санева и асс. м-р Петар Клетниковски.
Резултaтите од ова научно истражување ќе најдат практична примена при производството на различни видови мелени меса и колбаси во месната индустрија во Република Македонија и пошироко.
