Настанот предвидува голем број млади претприемачи кои се успешни на различни полиња и ќе ги споделат своите искуства со помладите колеги студенти. Млади претприемачи кои ќе се презентираат себеси и своите бизнис идеи ќе бидат:

• Ивана Трендафилова – основач на „Ателје Ивана“ прогласена за најдобар бизнис за 2016 година;
• Никола Димитров – основач на фирмата „Иноксиус“ – компанија за информатички услуги;
• Стефанија Дрварова – основач на Фризерски салон „Студио Стефани“;
• Радица Јованова – основач на Едукативен центар за математика „Нумерус“;
• Кристијан Панев – проект-менаџер од Невладината организација ФРЛЗ.

На настанот „Млади претприемачи“ можат да присуствуваат сите заинтересирани, сите студенти и млади луѓе кои сакаат да стекнат знаење и искуство за претприемништвото и можностите на младите луѓе.

Настанот ќе се одржи во петок (24.3.2017 г.) во 11 часот во свечената сала во Кампус 2 на Универзитетот „Гоце Делчев“ во Штип.