Во бројот на запишани студенти предничат Факултетот за туризам и бизнис логистика, на кој се запишале вкупно 6156 студенти, и Факултетот за медицински науки, низ кој поминале 5458 студенти. Традиционален е интересот и за општествените науки, за Економскиот и Правниот факултет, Филолошкиот и Факултетот за образовни науки како и за техничките науки, Земјоделскиот факултет. Последните години значајна е бројката на заинтересирани и за Факултетот за информатика, а својата иднина вљубениците во уметноста ја препознаа и на Ликовната и Музичката академија.
На Вториот циклус на студии на УГД, од 2009 до 2016 година се запишале вкупно 2326 студенти, а на третиот циклус – докторски студии, од 2011 до 2016 година се запишале 131 студенти.