Акцијата „Здравје за сите“ започна во понеделник (7 мај), со посета на училиштата во Штип, а продолжува во вторник (8 мај), во терминот од 8 до 10 часот, на шест локации во Штип: Градски плоштад, Трговски центар, НАМА, Автокоманда (ТУШ), Сењак (КАМ маркет) и Градски пазар. Граѓаните ќе можат бесплатно да си ги проверат крвниот притисок и нивото на шеќер во крвта, како и да добијат совети од областа на здравството.

Студентите овие акции ги организираат како дел од Првиот интернационален конгрес на студенти по општа медицина, кој се одржува на 9 и 10 мај во Мултимедијалниот центар на УГД.