Презентација на програмите и можностите за стипендии одржа Газменд Илази, асистент за образовните програми во Амбасадата на САД, а беа презентирани стипендии за додипломски (Global UGRAD), постдипломски и докторски студии (Fulbright student, Fulbright scholar), како и други образовни и професионални можности (Study of United States Institutes, Hubert H. Humphrey, Technology innovations and entrepreneurship) за усовршување во најелитните универзитети и институции во САД. Програмите за овие можности се отворени, а заинтересираните студенти добија и дополнителни информации за постапката за аплицирање и добивање на дополнителни информации во врска со стипендиите, престојот во САД и искуствата на досегашните добитници на стипендии.