УГД само неколку дена по прекинот на наставата започна со спроведување на онлајн настава и таа се одвиваше без поголеми тешкотии. Со цел Универзитетот да го провери задоволството или незадоволството од ваквиот начин се спроведе анкета меѓу студентите. Од добиените резултати се гледа дека над 98 % до студентите се изјасниле дека имаат пристап до ИТ уред. Најголем дел од нив даваат позитивни оценки за начинот на следење на наставата и од организацијата на онлајн полагањето.
Околу 70% од нив се изјасниле дека сакаат да ги полагаат испитите онлајн овој семестар.
Во однос на задоволството од полагањето на колоквиумите и достапноста до материјалите исто така голем дел од студентите го оцениле со високи оценки. Преку 50 % од студентите ги оцениле со оценка 5 повеќето аспекти на онлајн испитите и колоквиумите, 18 % со оценка 4,11 % со оценка 3,6 % со оценка 2 и околу 11 % со оценка 1.
Според информациите од УГД најголем дел од испитите ќе треба да се одржуваат онлајн, а доколку има барање од студентите може да се одржи и испит со физичко присуство, но под строги протоколи за работа.
