Студентите од организацијата СОМА направија логистичка и техничка поддршка на големата акција која ја организира докторот Горан Трајковски, кој е „инфлуенсер“ на социјалните мрежи и преку многубројни донации обезбеди пакетчиња за децата низ цела Македонија. Д-р. Горан преку социјалните мрежи обезбеди преку 1000 пакетчиња за дечињата ширум државата, а бидејќи тој моментално работи и живее во Германија, логистиката ја прават волонтери кои се согласија пакетчињата и останатите подароци да ги распределат низ институции во државата.

Од Студентската организација изразуваат надеж дека оваа акција би можела да стане традиционална со што ниту едно дете нема да остане без новогодишен подарок.