Главното мото на тренингот е дека младинската работа треба да биде природна, слободна и без стереотипи.

Учесниците во тренингот ќе организираат работилници со кои ќе ги разменуваат знаењето и искуството со останатите учесници, а темите ќе бидат „Како да се поддржат младите уметници, фармери и ракотворци“, „Како да се избориме со невработеноста помеѓу младите луѓе“ и многу други.

Првиот месец од тренингот ќе биде посветен на стекнување и споделување вештини, додека во вториот месец учесниците ќе изработуваат уметнички парчиња низ работилници со останатите учесници.

Заинтересираните млади лица можат да се пријават за тренингот најдоцна до 10 март годинава, на овој линк.

Сите трошоци, вклучувајќи сместување, храна и дел од патните трошоци ќе бидат покриени од организаторот, а тренингот ќе се одржи во периодот јуни – јули годинава.