Студентите ја извршуваат праксата во повеќе клиники, заводи, катедри, институти и аптеки, согласно со нивната студиска програма. Оваа размена на студенти е во рамките на Договорот што го имаат склучено Факултетот за медицински науки при УГД и Државниот универзитет во Самара, кој предвидува заедничка соработка, едукација и практична настава на студентите на клиниките во Самара, но истовремено престој на студенти од Самара во Штип. Самара е град со околу 3 милиони жители и се наоѓа во централниот дел на Русија, изобилува со богата историја и културни знаменитости, а Државниот универзитет е дел од извонредно богатиот и квалитетен високообразовен живот во регионот на Волга, во кој се наоѓа и градот Самара.

Студентите од ФМН во Самара престојуваат од 1 до 15 јули.