Овде сум за да воспоставам врски помеѓу мојот универзитет и Универзитетот „Гоце Делчев“, посебно во сферата на образовните науки, но и со Катедрата за геологија на Факултетот за природни и технички науки. Морам да му се заблагодарам на министерот Јолевски, бидејќи по негова заслуга сум овде и ќе започнеме плодна соработка помеѓу двата универзитетаизјави проф. д-р Џозеф Шепард

Ректорот на Универзитет „Гоце Делчев“ – Штип, проф. д-р Блажо Боев, изјави:

За нас е особена чест што денеска наш гостин е ректорот на  Универзитетот „Вестерн Њу Мексико“. Ова се контакти во насока на соработка со САД, како земја која е исклучително важна за развојот на Р. Македонија, и во таа насока со ректорот Шепард соработка во делот на образованието и едукацијата, во делот на педагогијата, геологијата и другите науки кои се важни за развојот на универзитетите. Наша екипа во ноември ќе го посети Универзитетот во Њу Мексико, САД, и ќе ги потпише сите потребни договори и документи за воспоставување на соработка, за размена на студенти и за конкретни соработки во одреден дел на проектни активностиизјави проф. д-р Блажо Боев

За министерот за одбрана, Зоран Јолевски, соработката со универзитетите во САД е од извонредна важност.

Соработката меѓу македонските универзитети и универзитетите во САД и во Европа е многу значајна, бидејќи ќе го зголеми квалитетот на образованието на студентите. Многу сум радосен што и професорите и студентите ќе имаат можност да студираат или предаваат еден семестар во Њу Мексико, што е одлична можност. Соработката меѓу Министерството и УГД е одлична, има можности за перманентно зајакнување. Ние како министерство формираме фонд за иновации кој ќе биде отворен и за вработени од Министерството, но и за студенти и професори од надворизјави министерот за одбрана, Зоран Јолевски

Според ректорот на Универзитетот „Вестерн Њу Мексико“ во Њу Мексико, ова е прва нивна соработка со универзитет во Република Македонија.