Во првото издание на оваа емисија гостин беше ректорот на УГД, проф. д-р Блажо Боев, а како гости-водители се појавија претставници на трите регионални телевизии: Билјана Постолова од ТВ „Канал плус“, Викторија Јованова од ТВ „Ирис“ и Драгана Филипова од ТВ „Стар“. Поводот за ова интервју беше почетокот на новата академска година, а ректорот Боев одговараше на сите прашања поврзани со Универзитетот „Гоце Делчев“ и високото образование.

Вакви емисии ќе се реализираат еднаш месечно во студиото на „УГД ТВ“, со претставници на Универзитетот, а како гости водители ќе се појавуваат претставници на сите медиуми во Штип и во регионот.