Делегацијата од оваа висока транспортна школа во Софија беше во состав: доц. д-р Красимир Крстанов, декан на Факултетот за техника и градежни технологии во транспортот, проф. Весела Дјакова, предавач на Катедрата за хуманитарни науки и странски јазици, Валери Николов, организатор на наставниот процес на Катедрата ПТСМС и Веселина Сухалинска, техничар на Катедрата за транспортна техника.

При посетата, одржана е средба со канцеларијата на Еразмус плус на УГД и со продеканот на Машински факултет, проф. Мишко Џидров, при што е договорено да се разгледаат можностите за соработка, пред сѐ во научноистражувачката дејност, преку учество во проекти финансирани од ЕУ. Истовремено, двете институции ќе се вклучат во партнерска соработка во организаицја на меѓународни иницијативи и конференции.

Од страна на гостите од Бугарија беше упатена покана до деканот на Машински факултет при УГД за учество на Меѓународната научна конференција што Факултетот за техника и градежни материјали во транспортот ќе ја организира во септември годинава во Софија.