Универзитетскиот спортски и културен центар при УГД продолжува со серијалот на вебинари именуван како „Петок во пет“. И овој петок организира уште еден настан кој на интересен начин преку интернет ќе се разработува темата „Здравјето како основно човеково право“. 

Говорници на овој вебинар ќе бидат вон. проф. д-р Кристина Мишева и вон. проф. д-р Марија Ампoвска од Правниот факултет при Универзитетот „Гоце Делчев“. 

Свои искуства ќе сподели и студентката Викторија Панчурова, голман во женската А фудбалска репрезентација на Република Северна Македонија. 

Настанот ќе се одржи во петок (23 април 2021 г.) во 17 часот на платформата Microsoft Teams. Вебинарот е отворен за сите заинтересирани и може да се проследи на линкот во продолжение: Microsoft Teams.