Средба на македонските и странските студенти учесници во Еразмус плус

- Апр 04, 2016

Поврзани вести

Студентите од УГД кои преку програмата Еразмус престојуваат на други универзитети надвор од државата, заедно со студенти од Европа кои преку истата програма престојуваат на Универзитетот „Гоце Делчев“ – Штип, имаа заедничка средба на која разменија искуства за својот престој во средините во кои реализираа еден семестар од наставата. Оваа средба беше во организација на Центарот за меѓууниверзитетска соработка. Раководителот на Центарот м-р Сања Стефанова најави и следни активности во рамките на програмата Еразмус плус:

- Планираме да организираме „Еразмус плус отворени денови“ и во нив ќе ги вклучиме студентите кои учествуваа во оваа програма, кои ќе го споделат своето искуство со останатите студенти. Ги поканувам и охрабрувам сите студенти да се пријават за наредниот повик. Отворените денови ќе се одржат на 21 и 22 април, а на 22 април ќе има и претставници од Националната агенција за европски образовни програми, кои ќе можат да одговорат на сите прашања на студентите.

Искуствата на студентите кои учествуваа во програмата Еразмус плус можете да ги погледнете во видеоприлогот.