- Денеска главната тема беше студентска мобилност и престој на студенти од Белгија на УГД, а секако и нејзиното предавање на Правен факултет. За конкретна соработка понатаму ќе бидат разгледани можностите кои постојат во рамките на белгиската амбасада и она што постои како програма во делот на соработка со универзитетите и во некоја наредна средба ќе ги дефинираме понатамошните конкретни соработки во поглед на нашата соработка со Белгија и со Амбасадата на оваа држава во Р. Македонија.

- Разговаравме за презентацијата што ќе ја одржам денеска, се запознав со Универзитетот – првпат сум на УГД, иако и претходно имам доаѓано во Штип, но убаво е што можев директно да се запознаам со условите и можностите на Универзитетот. Предавањето кое ќе го одржам на Правниот факултет е на тема регионална соработка – Белгија, Холандија и Луксембург се одличен пример на регионална соработка преку заедницата Бенелукс, па ќе ги пренесам тие сознанија кои може да бидат интересни за земјите-кандидати за членство во Унијата, но и во поглед на нивната соработка со земјите кои веќе се членки на Унијата. Во иднина ќе имаме нови средби со раководството на УГД, со цел да ја прошириме соработката – изјави г-ѓа Аник Ван Калстер, амбасадор на Белгија во Р.Македонија.