Во серијата „Портрети на истакнати пијанисти од историјата на македонската музика“, во среда, 11 мај 2016 година, ќе се одржи концерт посветен на Ладислав Палфи, Лепша Пиперковска и Стела Слејанска. Настапуваат студентите на Вокално-инструменталниот оддел – пијано, Тања Трбојевиќ, Панче Илиев, Матеа Стошиќ и Мартин Наков, од класата на проф. д-р Стефанија Лешкова-Зелениковска и асс. Михајло Штерјов. Концертот ќе се одржи во концертната сала на Музичката академија, со почеток во 11 часот.