Трудот ги презентира можните начини на прогрес во хотелиерството вклучувајќи иновативни апликации базирани на модерни информатички технологии наменети за амбиентот во хотелската индустрија. Сите овие апликации имаат цел да го подобрат квалитетот на понудените услуги за клиентите, почнувајќи од презентираниот модел за паметни соби.

Главната цел е да се постават основните услови кои хотелите мораат да ги исполнат преку користење на софистицирани технологии за директна интеракција со гостите, како и да се приспособат хотелските услуги во согласност со желбите на гостите и нивните потреби, со цел нивниот престој да биде што попријатен.

Соодветно на истражувањето на трудот, заклучокот е дека посакуваната иднина на хотелската индустрија лежи во концептот на паметна хотелска средина која ги намалува негативните страни на престојот надвор од дома, нудејќи им на гостите уникатно доживување.