1. Кои клучни моменти влијаеле во оформувањето на Вашата кариера, од почеток па до денес? 

Изборот на средното училиште (завршив средно хемиско училиште во Велес) е мојата најдобра одлука во животот. Основата на хемијата ја совладував таму. Имав одлични професори од кои можеше многу да се научи. Вториот момент се постдипломските студии во Љубљана. Видов други системи со одлични услови (мислам на Словенија, Италија, Австрија...) и едноставно ме надградија со знаење.

1. Кои се клучните моменти кои влијаеле во оформувањето на Вашата кариера, од почеток па до денес?

Има неколку клучни моменти и личности во мојот живот кои го одредија она што сум јас денес на професионален план. Најпрвин, тоа беше мојот дедо Јован Чучурски, кој во тие дамнешни години беше наставник во Основното училиште „Дедо Иљо Малешевски“ во Берово. Тој беше главниот „виновник“ за мојот прв контакт со образованието. Благодарение на него, јас сум на училиште уште од кога памтам за себе. И навистина уживав во секој момент поминат во училницата со вистинските, „големи“ ученици. Потоа следуваше денот кога мојот тогашен наставник по биологија Драги Фурнаџиски побара дозвола од моите родители да се запишам во секцијата по биологија за да почне да ме подготвува за републички натпревар. Тогаш бев во петто одделение и имав само десет години. Во осмо одделение го освоив првото место на Републичкиот натпревар по биологија и освоив златен медал на сојузно ниво. И веќе знаев дека биохемијата ќе биде нешто многу значајно во мојот живот.

1. Кои се клучните моменти што влијаеле во оформувањето на Вашата кариера, од почеток па до денес? 

Тешко е да се издвои единствен момент на влијание, но доколку се навратам, можеби еден од клучните моменти е почетокот на моите постдипломски студии на Институтот за социологија при Филозофскиот факултет во Скопје. Имав среќа да студирам кај исклучителни професори, кои влијаеја да се здобијам со повеќе знаење, но и ми всадија мотивација да напредувам во професионалниот развој. Секако еден од клучните моменти беше и студискиот престој кој во периодот 2010-2011 година го имав во рамките на Катедрата за источноевропски студии на Универзитетот во Виена (Австрија), како стипендист на овој Универзитет.

Универзитетската телевизија и Универзитетското радио го продолжуваат серијалот на гостувања на деканите и продеканите на факултетите при УГД, со цел да ги доближат факултетите и наставните програми до сите заинтересирани студенти и средношколци.

Во посета на Филолошкиот факултет при УГД предавање одржа проф. Габриела Клаин, професор по социолингвистика на Универзитетот во Перуџа, Италија. Професорката одржа предавање за присуството на расизмот и говорот на омраза во медиумите и на социјалните мрежи.