Ние обезбедуваме едукација на умот за младите луѓе. Присутни сме во многу земји во регионот. Имаме организација во Бугарија, а во светот сме активни повеќе од 20 години. Целта е да одржиме некои работилници преку кои ќе ги едуцираме младите луѓе, но и ќе ги запознаеме со културата на Кореја и со можностите што ги нуди нашата земјаистакна Уон Шик Хонг, член на Управниот совет за образование на оваа невладина организација од Кореја

Оваа корејска организација функционира долго време во целиот свет, а пред студентите одржаа предавање за целите и функциите кои ги остваруваат.

Ова е ден на Кореја на УГД. Тие денес ги презентираат корејската култура, корејските танци, корејската облека. Целта на ова е студентите да се запознаат со дејноста на оваа организација којашто опстојува 20 години и имаат клонови во повеќе од 80 земји во светот. Сметаме дека тенденцијата им е да направат своја гранка и во Македонија и на тој начин да ја промовираат нивната култура, но и лидерството коешто сакаат да го наметнат кај младите луѓе и идејата за нивно вмрежување во оваа организација преку светски конгреси кои ги организираат.истакна Дијана Насева од УГД.

Покрај предавањето, тие ги презентираа народните носии на Кореја, но и понудија можност за презентација на својата азбука преку потпишувања на имињата на студентите на корејски јазик.