- Ние имаме околу 1.500 интернационални студенти, но многу малку од нив се од Македонија. Јас сум овде со надеж дека ќе успеам да привлечам студенти на кои целосно ќе им биде покриена школарината, а ќе добијат и одредени средства за престој во Кина за време на нивните студии. Се надевам дека ќе има интерес вели заменик-деканот Гуохуа.
Оваа соработка е иницирана од продеканот на Машински факултет при УГД, доц. д-р Мишко Џидров, кој е стипендист на Владата на НР Кина на овој Универзитет. Според зборовите на продеканот од Кина, македонските студенти кои досега студирале таму се многу трудољубиви и редовно се меѓу најдобрите. Ние направивме кратко интервју со гостинот од Кина, а во продолжение можете да го погледнете и да се информирате за сите детали. Заинтересираните студенти можат да добијат детални информации и во Канцеларијата за меѓууниверзитетска соработка во Кампус 2.