Одржана Првата конференција за студентите на правните факултети во Македонија

- Окт 05, 2016

Поврзани вести

Во просториите на Државниот универзитет во Тетово се одржа Првата конференција наменета за студентите на правните факултети во Република Македонија. Конференцијата со наслов „Социјална еднаквост, владеење на правото и недискриминација“ е организирана од студентите на правните факултети при Државниот универзитет во Тетово и Универзитетот „Гоце Делчев“ во Штип, а поддржана од Мисијата на ОБСЕ во Скопје.

Покрај учесници од партнерските правни факултети, на Конференцијата учествуваа и студенти од Правниот факултет „Јустинијан Први“ во Скопје и правните факултети при Универзитетот „Св. Климент Охридски“ во Битола и Универзитетот на Југоисточна Европа.
Од името на Правниот факултет при УГД обраќање имаше проф. д-р Страшко Стојановски, додека од името на Организациониот одбор се обрати студентката Елена Трајковска.

Во делот на клучни излагачи обраќање имаа Бојана Трајчева и Трајче Арсов, студенти на Правниот факултет во Штип. Во четирите панел-дискусии посветени на владеење на правото, недискриминација, говор на омраза и социјална еднаквост учествуваа 15 студенти од Правниот факултет при Универзитетот „Гоце Делчев“ во Штип.